जुँगाको लडाईं

राम शरण महर्जन

जुँगाको लडाईंमा

पिल्सिएको मेरो देश

भरोसायोग्य सपना देख्न

सपनै मात्र देख्न विवस भएका छन्

जुँगे पण्डितहरु

बाग्मती झैं गन्हाएका छन्

गाउँबस्तीका सपनाहरु

 आप्mना स्वार्थमा

भागबण्डामा सिध्याएका छन्

दुःखमा सुख खोज्दै

भत्किएका छन्

आस्था र विश्वास

संघर्षका चिहानबाट

शहिदका आत्माहरु रोएका सुनिन्छन्

गाउँबस्तीका पीडाका चित्कारहरु सुनिन्छन्

दुई किनारा झैं बाँचेका अहम्हरु

हामी बगि दिनु पर्ने रे पानी भई सिंच्दै

किनारालाई मेट्न सुकी दिनु पर्ने रे बगर झैं ।

२०७४।९।१२

घाम छाँया

खुशिले पागल हुंदा

पखेटा लाग्दोर’छ सपनामा

ठेस लाग्दा बिपनामा

तोरीको फुल देख्दोर’छ जीवनमा ।

२०७४।८।२९

त्यो बोट

माटो मलिलो रहेछ

कोपिला लागेको पत्तै भएन

घामपानीसंगै खेल्दै

अपठ््याराहरुसित जुझ्दै

हलक्क बढेको देख्दा पो आंखा परेछ

हरियाली ओढेर छहारी दिंदै

जीवनको गीत गाउँदै

टा–टाढासम्मै आंखा लगाउँने भै सकेछ

बालबच्चाहरुको आँगन

युवाहरुको भेटघाटको थलो

बटुवाहरु, बृद्धहरुको चौतारो पो भै सकेछ

ऋतुहरुसंगै रम्दै

फलहरुले लट्टरम्म झुल्दै

शीतल, मीठो सुगन्ध छर्दै

छिमेकीहरुसित हातेमालो गर्दै

बाँच्नुको अर्थ साटिरहेको छ

समयको मूल्य खोजिरहेको छ ।

२०७२।८।२८

एउटा हाइकु

मौन अवधी

चलखेलको रात

मनको लड्डु । 

२०७४।८।१९

नेताका आश्वासन

चुनावी बेला

बर्सिन्छ आश्वासन 

भोको पेट भरिन्न

बजार भाउ

बिचौलिया हातमा

पिल्सिने त जनता

भोटको मूल्य

नेताको ढोग भेट 

बिक्छ त सपनामै 

पदकै लागि

मागिखान्छ भोट नि

जोड्छ नेता पुस्तैनी

मत बिमत

नेता बन्छ मतले

दुुःखी हामी मतैले । 

२०७४।८।१४

सपनाको बाटोमा

दल बदल्ने

होडबाजी छ यहाँ

सपनाको बाटोमा

घोषणा पत्र

रंगले पोतिएकोे

गनगने भाकामा

फुक्का साँढे भैैंm

देश दुनिया लुट्दै

स्वतन्त्रता भोग्छ जो

ए.., संबिधान !

उस्कै तजबिज रे

औंलो को देखाउँने ?

कानून ठोक्ने

परिबन्दमा पार्ने

सेतो नि कालो गर्ने

वाचा कसम

बुईं चढ्ने बाटो रे

जनता बलि चढ्ने

तातो रगत

शहिदको रगत

मूल्य, मान्यता फेर्ने ।

२०७४।८।१३

निर्वाचनका पात्रहरु

निर्वाचनका पात्रहरु

जुँगाको लडाईमा नयां डेरा खोज्नेहरु

कुकृति र विकृतिमा जलप लगाउँदै

आउँदै छ हावादारी घोषणापत्र बोक्दै

 गठबन्धन गर्दै भोज पत्र, नोट पत्र बांड्दै

जीवनसित मिल्छ, मिल्दैन् हेर्नु, बुझ्नु ।

गाउँबस्तीका भित्ताहरु फोहर गर्नेहरु

दोबाटा र चोकहरु ध्वनी प्रदुषित गर्नेहरु

जनताको निद्रा बिगार्ने मत चोरहरु

साइनो गांस्दै देउता मान्दै सुतुक्क छिर्लान्

चिन्नु र झापड लाउनु समय छंदै ।

ठाउँमा हुंदा समय छंदा डुलि, सुति खानेहरु

चुनावको मेलामा कति बोल्छन् निकृष्ट बोलीहरु

मान्छे उही जात फाल्छन् नोट लिन्छन् खान जन्मेकाहरु

मन्त्रमा नाच्ने, तन्त्रको धोती लाउने, मत बेच्नेहरु

देश दुखे नि जनता रोए नि भुल्छन् सबै झण्डा बोक्नेहरु ।

२०७४।७।२२

निर्वाचनका पात्रहरु

जुँगाको लडाईमा नयां डेरा खोज्नेहरु

कुकृति र विकृतिमा जलप लगाउँदै

आउँदै छ हावादारी घोषणापत्र बोक्दै

 गठबन्धन गर्दै भोज पत्र, नोट पत्र बांड्दै

जीवनसित मिल्छ, मिल्दैन् हेर्नु, बुझ्नु ।

गाउँबस्तीका भित्ताहरु फोहर गर्नेहरु

दोबाटा र चोकहरु ध्वनी प्रदुषित गर्नेहरु

जनताको निद्रा बिगार्ने मत चोरहरु

साइनो गांस्दै देउता मान्दै सुतुक्क छिर्लान्

चिन्नु र झापड लाउनु समय छंदै ।

ठाउँमा हुंदा समय छंदा डुलि, सुति खानेहरु

चुनावको मेलामा कति बोल्छन् निकृष्ट बोलीहरु

मान्छे उही जात फाल्छन् नोट लिन्छन् खान जन्मेकाहरु

मन्त्रमा नाच्ने, तन्त्रको धोती लाउने, मत बेच्नेहरु

देश दुखे नि जनता रोए नि भुल्छन् सबै झण्डा बोक्नेहरु ।

२०७४।७।२२

निर्वाचन आयो

                                                                                                     
     

                                                            –राम शरण महर्जन
                                                                 कीर्तिपुर ।
त्यो मान्छे, यो मान्छे नि
चिन्ने चिन्ने जस्तो अनुहार छ
चिन्नै नसक्ने भैकन आएको छ
हिजो
हिड्ने बाटो प्रष्ट थियो
विचार कति घतलाग्दो थियो
अनुहार हेरुं हेरुं जस्तो लाग्थ्यो
समय फेरिएको छ
मान्छे चिन्नै गाह्रो भएको छ
मुखै जोडेर कुरा गर्न आए नि
सबै संम्बन्धको दुहाई दिए नि
आफ्नोपन रित्तिएको छ
आदर र श्रद्धा भत्किएको छ
चोक, गल्ली, घरघरमा धाउंदै
नयां नयां चिन्ह परिचय दिदै
स्खलित हुंदै आफ्नै आस्था र विश्वासमा
पद र सुविधामा बेपत्ता हुनेहरु
आस्था र विश्वासको मत माग्न आएको छ
विपत्ति र कठिनाईको छानामुनि सुताउँदै
हाम्रै मतले हामीलाई सताउंन
आफ्नै सपना बांड्न आएको छ
चनाखो हुनु पर्छ अब जनता
बिगतलाई सराप्दै भविष्य बिगार्न
बर्तमानमा चिप्लिंनु हुन्न
भविष्यमा यातना खप्न सकार्न
लाचार र निर्धो बन्नु हुन्न
आस्था बदलिएको छ
चोर बाटो समाएको छ
आत्मा बन्धकी राखेको छ
सपना पदमा साटेको छ
त्यसैले अब
देश र जनताको लागि मरिमेट्नेहरु
मत दिनु पर्छ अकाट्य विचार र विश्वासिलो पात्र परखदै
सपना जीवनसित जोडिनु पर्छ
आत्मा बेच्ने खहरे नेताहरु चिन्नु पर्छ
मतको तरवार झुण्ड्याउँनु पर्छ ।
२०७४।७।२१

 –राम शरण महर्जन

 किर्तिपुर ।

विना विभागिय मन्त्री

देउवा र प्रचण्डको गोल

भकुण्डो हो की गलगाँड हो

मन परे नि हान्ने

रीस उठे नि हान्ने्

देख्ने सुन्नेलाई नि भाउन्न हुने

खेल्नेहरुलाई अति नसा लाग्ने ।

@)&$.&.*

घुम्तीहरूमा

 

 राम शरण महर्जन

रंग यात्रामा

रंगिंदाे छ जीवन

फर्केर हेर्दा ।

 घुम्तीहरूमा

निर्णायक पाइला

रंग चढ्दै छ ।

२०७४।७।८