राम शरण महर्जन
|
जुँगाको लडाईंमा
पिल्सिएको मेरो देश
भरोसायोग्य सपना देख्न
सपनै मात्र देख्न विवस भएका छन्
जुँगे पण्डितहरु
बाग्मती झैं गन्हाएका छन्
गाउँबस्तीका सपनाहरु
आप्mना स्वार्थमा
भागबण्डामा सिध्याएका छन्
दुःखमा सुख खोज्दै
भत्किएका छन्
आस्था र विश्वास
संघर्षका चिहानबाट
शहिदका आत्माहरु रोएका सुनिन्छन्
गाउँबस्तीका पीडाका चित्कारहरु सुनिन्छन्
दुई किनारा झैं बाँचेका अहम्हरु
हामी बगि दिनु पर्ने रे पानी भई सिंच्दै
किनारालाई मेट्न सुकी दिनु पर्ने रे बगर झैं ।
२०७४।९।१२
No comments:
Post a Comment