राम शरण महर्जनका केही-हाइकुहरू 

उर्वर शक्ति
सके दश-पाँचमा
सपना बुन्दै |३६|

सपना बुने
युवा विदेश लागे
उजाड गाउँ |३७|

भूगोल बिर्से
चिनाउँ म कसरी
स्वार्थको भाँडो |३८|

देश विकास
यात्रा भांड भैलोको
अनेक वाद |३९|

बुध्दको शान
आयातित नेताको
कृतिम हाँसो |४०|

हांसी दिने हो
कालो पोतेको मुख
कलाकारिता |४१|

अनौठो चाला
मृत आत्माहरूको
भार भो जुनी |४२|

संविधान त्यो
भूतको खाने बेला
तुह्यो यो आशा |४३|

ढल्किँदो ज्यान
बहुमुखी आयाम
अमूल्य जुनी |४४|

आगो ओकल्छ
आगो बाल्न सक्तैन
नमच्चिने पिङ्ग |४५|

बहस चल्छ
आयोग बन्छ,जान्छ
क्यान्सर रोग |४६|

फोहर थुप्रो
मोहर बन्छ भन्छन
ट्वाँ पर्छ अल्छी |४७|

जमघट छ
विषयवस्तु छैन
टाइम पास |४८|

परिक्षा लिन्छ
जनताको नेताले
जनता जिल्ल |४९|

सपना बाँड्छ
कुरा कुरैको दुख
योजना छैन |५०|

हिँसा अभ्यास
वर्डफ्लुको  प्रकोप
खेलबाड भो |

छोटा कविता
************
चुनावको मौसम छ
वाचा गर्छ
भोट माग्छ
घर-दैलो |
झिसमिसे मै लाइन
खुराफात
भोट खस्छ
उधारोमा |
नमिठो हुन्छ नतिजा
जित्ने डाङ्गो
हार्ने मूसा
सबै हिस्स |४|
२०७१.९.१३

संघर्षको पेन्सन

अगुवाहरू
व्यस्त छ जुहारीमा  
आफैं नै झाक्री
जनता रुवाउछ्न
खान्छ रमाई
संघर्षको पेन्सन
वाचा कसम
धोति पो लगाउछन
कुरो बटार्छ
आन्दोलन त गर्छन
पार्टिको काम
आरोप-प्रात्यारोप
प्रगति रोक्छन
समय काट्ने मेसो
सर्कारी काम
नेताको पो रजाईं
जनताको धुलाई |
२०७१/९/११

नेपाली सेदोका संग्रह

        -राम शरण महर्जन

     किर्तिपुर, काठमाडौँ

हिउँदे वर्षा

बादलभित्र सूर्य

सिरेटोको प्रवाह

कामेको जीउ

एकसरो कपडा

न्यानो हुने चाहना |१|

मलिन सूर्य

खुल्ला छतको मान्छे

संघर्षका ती क्षण

जिउँदा लक्ष्य

हँसिलो जिन्दगानी

समताको संबन्ध |२|

ठेक्कामा काम

छरितो कमसल

मोटाए ठेकेदार

पिरैमा डुबे

कस्तो सोचें कस्तो भो

बगे पैसाको खोलै |३|

भोटको मूल्य

संसदमा जुहारी

कुर्सीकै मोलतोल

धोति बनाए

जनताको सपना

सधैं सधैं अधुरो |४|

वाचा-वन्धन

प्रेममा विश्वासिलो

जीवन नि हैन क्यै

सदा निभाउँ

तोड्नु यो काम ठुलो

नेता,व्यापारीहरूको|५|

२०७१/०९/०४ 

राम शरण महर्जनका - केही हाइकुहरू

बाँच्ने होडमा                                                                                                                                        
छुटे घरबार नि
खोजी नाताको |१|

टेबुलमाथि
त्यसै कापी कलम
अवाक्क मान्छे |२|

स्वर सुनिन्छ
देखिंदैन आकृति
जाडोमा हुस्सु |३|

विवाहसंगै
विदेशिएको मन
मधुर स्वप्न |४|

सम्झें आफन्त
खोलें अनलाइन
कस्तो रोमाञ्च |५|

उमेर खा'को
बचपन नगा'को
बत्ती के भा'को |६|

माकुरे जालो
नेपालीको दैनिकी
बत्तिको सूची |७|

वर्षाको पानी
मानिसको जंगल
भुमि मै सुक्यो |८|

चाह बत्तिको
मृत्यु पलपलको
रुन्चे हिमाल |९|

गफ चुटाई
मेघावाटे योजना
भोका हाकिम |१०|

वत्ति नि गयो
सुक्यो, घांटी प्यासले
ट्यांकर हाँस्यो |११|

गरिवी दूरी
बोल्छ, उज्यालो बत्ति
समभावमा|१२|

हवाई दृश्य
अँध्यारो राजधानी
दैव जानून |१३|

भत्ता उज्यालो
झुपडी अँध्यारोमा
मुसाको दौड |१४|

पिच्च अक्षर
बोल्छ चर्पीको भित्ता
बुध्दिको दशा |१५|

घरबार यो
परदेशी जीवन
महाभारत |१६|

विदेश मोह
तिरस्कार नाताको
गोहीको आँशु |१७|

खेल हो युध्द
समुन्द्र मन्थन त्यो
सभ्यताभित्र |१८|

स्वैच्छिक मत
जनताको फैसला
पार्टी जीवन |१९|

चुनावी खेल
अप्रत्याशित चित्र
जय जनता |२०|

जित्नेको हार
हार्नेको उपहार
कुँदेको मन |२१|

मनको लड्डु
खहरेको प्रवाह
चुँडेको चंगा |२२|

कर्मको फल
जनताको आशिष
बाँच्ने आधार |२३|

आफू भे ठीक
अरू सबै बेठीक
विनास काल |२४|

चुनावी खेल
वैचारिक आधार
विवेकी मत |२५|

चुनावी खेल
एक परियोजना
जनता भुट्ने |२६|

मतगणना
वैचारिक लडाईं
पार्टीको साख |२७
|
दरिद्र मन
संपन्नताको अहम्
आँखाको धुलो |२८|

मौकापरस्त
स्वभाव जीवनको
छैन अछुत |२९|

समय बोल्छ
आयो  परिवर्तन
चमेरो उड्छ |३०|

मनको पिडा
विश्वास अविश्वास
समय चक्र |३१|

युगीन पिडा
चित्तामाथिको घर
छाडा मानिस |३२|

रक्त साइनो
महाभारत ग्रन्थ
सभ्यता कुञ्ज |३३|

इन्द्रधनुष
सांगीतिक आकाश
प्यारो जीवन |३४|

समय सीमा
समस्याको निकास
दैवको लेखा |३५|

आजको जीवन
...................

समस्या पैदा गरे छ
साहस छ
सिर्जना छ
आवाजमा |
साधारण जिउने छन्
भयग्रस्त
पतझर
बिना लक्ष्य |
जीवन बुझ्नेहरू छन्
उंचाई छ
सफल छ
जहाँ पनि |१|

बादलले ढाकेको छ
चंचल छ
जिज्ञासा छ
मन भरि |
अप्ठेरोमा रमाउने
सर्जक छ
प्रफुल्ल छ
सधैं सबै |
घाममा खुलेको छ
जवानी छ
सपना छ
यात्रा गर्न |२|

बर्तमान अन्यौल छ
संघर्ष छ
समर्पण
जीवनको |
घडीको घन्टी बज्दछ
संवेग छ
सचेत छ
रंग भर्न |
उज्ज्वल क्षितिज हेर
मुस्कान छ
आत्मियता
स्वजनको |३|

नारामा सिमित पार्टी
झ्याउ सरि
काडा सरि
देश चुस्ने |
निर्वाचनको बगर
नारा फुक्ने
जन झुक्ने
नेता, दशैँ !
कुमालेको घट्ट बन्छ
उही  झाक्री
उही बोक्सी
छैन आशा |४|

राम शरण महर्जन
किर्तिपुर,काठमाडौँ