निर्वाचनका पात्रहरु
जुँगाको लडाईमा नयां डेरा खोज्नेहरु
कुकृति र विकृतिमा जलप लगाउँदै
आउँदै छ हावादारी घोषणापत्र बोक्दै
गठबन्धन गर्दै भोज पत्र, नोट पत्र बांड्दै
जीवनसित मिल्छ, मिल्दैन् हेर्नु, बुझ्नु ।
गाउँबस्तीका भित्ताहरु फोहर गर्नेहरु
दोबाटा र चोकहरु ध्वनी प्रदुषित गर्नेहरु
जनताको निद्रा बिगार्ने मत चोरहरु
साइनो गांस्दै देउता मान्दै सुतुक्क छिर्लान्
चिन्नु र झापड लाउनु समय छंदै ।
ठाउँमा हुंदा समय छंदा डुलि, सुति खानेहरु
चुनावको मेलामा कति बोल्छन् निकृष्ट बोलीहरु
मान्छे उही जात फाल्छन् नोट लिन्छन् खान जन्मेकाहरु
मन्त्रमा नाच्ने, तन्त्रको धोती लाउने, मत बेच्नेहरु
देश दुखे नि जनता रोए नि भुल्छन् सबै झण्डा बोक्नेहरु ।
२०७४।७।२२
