Monday, May 14, 2018
Monday, February 26, 2018
छाउको यात्रा
अनिष्ट भारी
महिलाको भागमा
मृत्युको चक्र
छाउपडी गोठमा
अँध्यारो समाजमा ।
पीडामा नारी
कानून किताबैमा
छाउको यात्रा
गाउँबस्तीहरुमा
स्वीकार्छ समाजैले ।
नझोसी आगो
सुरक्षाको भ्रममा
छाउमा रम्दै
सुति बस्छ चित्तैमा
बिहानीको आशैमा ।
२०७४।११।१३
Wednesday, February 21, 2018
Thursday, February 1, 2018
रक्तको दीयो
शहिद बिक्छ
टुक्रिन्छ त सपना
झण्डा ओढाई ।
रक्तको दीयो
बलिदानमा उठ्छ
गाउँबस्तीमा ।
२०७४।१०।७
शहिदको ब्यापार
बाँचेर हेर
मरेर जानेहरु
बलिदानको मूल्य
सिफारिसमा
शहिदको ब्यापार
कस्तो यो सम्मान ।
२०७४।१०।१८
शहिद दिवस
शहिदहरु !
ब्यूँतिएर त हेर
सपनाहरु
बलिदानको मूल्य
अनुदानमा बिक्छ ।
पूmलगुच्छा भो !
तस्बिरमा शहिद
बिदैमा बित्छ
कुिल्चएर सपना
कति बाँच्छौं भ्रममा ।
श्राध्द भैंm भयो
शहिद दिवस यो
पोल्दैन आत्मा
शहिदको यादमा
बाटो बिराएपछि ।
खै, अनूभूति
टाँसि बस्दा कुर्सीमै
बिर्सी सपथ
खेती गर्दा शहिदको
कति गर्व हुदों हो !
प्राणै अर्पिए
अँध्यारोको विरुद्ध
शहिदको सूची
थरी थरी मानक
खेलाँची भो सपना ।
२०७४।१०।१८
Wednesday, January 24, 2018
प्रथाः एक अपराध
जुग भैंm बित्छ
मासिक चक्र त्यो
एक्लो जीवन
नारीको त्यो सौन्दर्य
छाउगोठमा कैद ।
घाम लागेन
पीडा छाउगोठमा
निर्दयी मान्छे
समाज, परिवार
नारी पिर्ने कुचक्र ।
मनै छ मैलो
तन सफाइ माग्ने
आस्थै छ बाधा
फेरिन्छ समय त
खुल्छ चेत कैले हो ?
त्यो छाउपडी
अछुत त्यो संस्कार
घरै निरीह
नारी हुनुको गर्व
छाउ बार्नु पवित्र ।
यौवनको श्राप
खुलेन छाउगोठ
दूर भो शिक्षा
बोझ भो समाज यो
उठ नारी, अति भो !
छोरी लाश भो !
साथ छुट्दा घरको
कर्म अधर्म
बिर्सिगो बाआमाले
समाज त अन्धो भो !
२०७४।१०।५
Saturday, January 20, 2018
घाउको पीडा
मुटुको काँडा
मौनताको त्यो पासो
आफ्नै ठान्नु कसरी ?
घाउको पीडा
मर्न दिंदो रै’ नछ
सम्झना बल्झिर’ ने ।
२०७४।१०।७
Tuesday, January 2, 2018
जीवनको चमक
लघु कथाः
अस्थिर देशमा फुटपाथे पसल झैं छ सरकार । विकास केहि दर्जन थान नेताहरुको मात्र भएका छन्– मन्त्रि पड्काएर, जनता उल्लु बनाएर । सडक, ढल र विद्युत जन्मजातैका शत्रुता पालेर बँंचिरहेका छन् । विकास बजेट असारे भेलमा बगाएर गाईजात्रा देखाउन पल्केका छन् । जनता पीचमै खोला तर्दछन्, खाल्डाखुल्डीमै ठोकिएर लड्छ्न, नालीमै बगेर मर्दछन् ।
गोहीको आंशु चुहाउंदै एक जना मन्त्रिले हुकुम गर्दछन् –“पन्ध्र दिनमा सबै खाल्डाखुल्डीहरु पुर्नु ।”
गणतन्त्र आएको देशमा कर्मचारीहरु, ठेकेदारहरु गनगन गर्दै मन्त्रिको हुकुम धोती लगाई दिन्छन् । ‘चार दिनका मन्त्रिले भनेर हुन्छ ? काम गर्नका समस्याहरु के छ बुझ्नुसझ्नु छैन् ।’
‘देखाउना खातिर गरेको जस्तो काम गर्दछन् । फेरि उही जुम्से लम्पसार कामधन्दा । फोटो झुण्ड्याउंन मन्त्रिखाका नेताहरुमा टालटुले दिमागको पौरख सिवाय दुरगामी जनमुखी विकासयुक्त दूरदृष्टीको आशा गर्नु पनि बेकारको कुरा नै त हो ।’
मनमा गाठो पारेर जनता अर्को चुनावमा मात्रै उठनु पर्ला भनी मस्त निदाउंछ ।
२०७४।४।१२
राम शरण महर्जन
कीर्तिपुर, काठमाडौं ।
सम्मानकाे पीडा
नयां बर्ष झैं
तरंगित त्यो पल
पुरानो बन्छ ।
बिरानो बन्छ
संम्मानका ती चिन्ह
मृत्यु शैय्यामा ।
पसिना बग्छ
बालुवामा पानी झैं
कस्तो यो चाल्नी ?
आशाको त्यान्द्रों
जेलिन्छ आशंकामा
दुःख तनले ।
आस्थाको तक्मा
ठगिएको त्यो मान्छे
पीडामा बाँच्छ ।
तिम्रो भरोसा
त्यो नसा सपनाको
पीडामा आज ।
२०७४।९।१७
तरंगित त्यो पल
पुरानो बन्छ ।
बिरानो बन्छ
संम्मानका ती चिन्ह
मृत्यु शैय्यामा ।
पसिना बग्छ
बालुवामा पानी झैं
कस्तो यो चाल्नी ?
आशाको त्यान्द्रों
जेलिन्छ आशंकामा
दुःख तनले ।
आस्थाको तक्मा
ठगिएको त्यो मान्छे
पीडामा बाँच्छ ।
तिम्रो भरोसा
त्यो नसा सपनाको
पीडामा आज ।
२०७४।९।१७
Subscribe to:
Posts (Atom)