जीवनको मज्जा

जीवनको मज्जा

–राम शरण महर्जन
 कीर्तिपुर ।

नियम बनाउ र तोडी देउ
तोड्ने बहादुर, लत्रिने त कायर
सपना देखाउ र बिर्सी देउ
बिर्सने अगुवा, आशावादी जनता
वचन लाउनु र अंगालो मार्नु
अघि बढ्ने काइदा, मनमा लिने निर्धा
काममा लगाउ र छोडी देउ
काम छल्ने ठूलो, काममा मर्ने ज्यामी
पसिना बगाउ र धरती सिंच
परिश्रम लुट्ने बुद्धिजिवी, धरती सिंचने स्वाभिमानी
वाचा बांध र पुरा गर
प्रेरणादायी जीवन, आंखामा नबिझ्ने मानिस
आंखा लगाउ र परख गर
आफैभित्र झाँक, जीवनको गर्व गर ।
२०७४।५।२१